ಎಲ್ಲಿ ಹೋದನು ಅವನು?

ಎಲ್ಲಿ ಹೋದನು ಅವನು?
ಬದುಕಿನ ಪಾಠ ಕಲಿಸಿದೊನು,
ಬಾಳಲ್ಲಿ ಪ್ರೀತಿ ಹೊಳೆ ಹರಿಸಿದೊನು,
ಬದುಕೋ ಸ್ಪೂರ್ತಿ ತುಂಬಿದೊನು,
ನಗುವಿಗೆ ಜೀವ ತಂದೊನು,
ಎಲ್ಲಿ ಹೋದನು ಅವನು?
ಅರಿವಿಲ್ಲದೆ ಹ್ರದಯಕ್ಕೆ ಲಗ್ಗೆ ಇತ್ತೋನು,
ಮೈಮನಸ್ಸು ಅವರಿಸಿಕೊಂಡೋನು,
ಮಾತಲ್ಲಿ ಜೇನಿನ ಸಿಹಿ ಹರಿಸೋನು,
ಒಂಟಿತನಕ್ಕೆ ಸಂಗಾತಿಯಾಗಿ ಹೆಜ್ಜೆ ಇತ್ತೋನು,
ಎಲ್ಲಿ ಹೋದನು ಅವನು?
ನೋಟದಲ್ಲಿ ಹಿತವಾಗಿ ಇರಿಯುವವನು,
ಮಾತಿನಲ್ಲಿ ಮತ್ತನ್ನು ತರಿಸೋನು,
ನಗುವಲ್ಲಿ ಜಗವನ್ನು ಗೆಲ್ಲೋನು,
ಪ್ರಿತಿಲಿ ಎಲ್ಲರನ್ನು ಮಿರಿಸೋನು,
ಎಲ್ಲಿ ಹೋದನು ಅವನು?
ಮರೆಯಲಾಗದ ಹಾಗೆ ಬಂದು
ನನ್ನೇ ಮರೆವಂತೆ ಮಾಡಿ
ಮರೆಯಾಗಿ ನಿಂತಿಹನು.